قصيدة اصحى يامصرى .ويارب تنول اعجابكم

قصيدة اصحى يامصرى .ويارب تنول اعجابكم

اصحى يا مصر
اصحى يا مصر
اصحى يا مصر
هزى هلالك
هاتى النصر
كونى يا مصر وعيشي يا مصر
مدي اديكى
وطولى العصر
اصحي وكوني وعيشي يا مصر
اصحى يا عامل مصر يا مجدع
وافهم دورك
ف الوردية
مهما بتتعب
مهما بتصنع
تعبك رايح
للحراميه
جهدك عملك
رزق عبالك
عرقك مرقك
ولا يهنا لك
اصحى يا عا مل
غير حالك
صون المصنع
واصنع مصر
اصحى وكونى وعيشي يا مصر

اصحى يا زارع مصر الخضره
قدره وخضره
ونور وجمال
ابدر غيطك
واحمى البدره
ضد الافه
والاستغلال
ارضك عرضك
باب الدار
صبحوا مداسه
للسمسار
نعطش
ولانشربش عكار
وصفه قالوها الحكما يامصر
اصحى وكونى وعيشي يا مصر

واصحى يا جندى
يا تار الشهدا
عمى وخالك
اختى واخوك
لجل ما تهدا وتارك يهدا
فرغ نارك ف اللى خانوك
يابن الشعب يا حامي الشعب
انت املنا فى يوم الصعب
اصحى يا جندى ودق الكعب
حرر مصر وطهر مصر
اصحى وكوني وعيشي يا مصر
[b]

مشكور ايها القلب مكسور الجناح علي القصيده الجميلة دي بجد تسلم ايديك يادولا فكرتنا بأم الدنيا بعد ما كنا خلاص قربنا ننساها

بجد تعيش مصر
وتسلملى عيونك يا ريس
ودماغك الى ذى الفل
وننتظر المذيد

اشكركم على مروركم الجميل

تسلم ياجميل على القصيدة دى
بس للاسف من اللى مصر عملته فينا بقى صعب تصعب علينا